Lehendakariaren agurra

Euskadiko Alderdi Popularreko presidentea naizen aldetik, ongietorria egin nahi dizuet elkargune honetara. Bertatik, gure alderdiaren proposamen eta ekimenak partekatu nahi ditugu zuekin, herritarrekiko elkarrizketa eta komunikazioa aberasteko asmoz. Egungo mundu globalizatuan, Internet eta sare sozialak giltzarriak dira gurea bezalako erakundeek egiten duten lanaren berri emateko. Horren haritik, esan dezagun gure alderdiak liderra izan nahi duela gure gizartea aukeren sorkuntzaren abangoardian kokatzen duten politika, gizarte eta ekonomia eraldaketak sustatzen.

Euskadi dugu bat egiten gaituen proiektu erkidea eta horregatik, kontuan eduki nahi ditugu gure lurraldearen garapen eta hazkundearen alde egin nahi duten guztiak, herritarren ongizatea sustatzen dutenak, bai eta tolerantzian eta askatasunean oinarritutako bizikidetza aldezten dutenak ere. Zure laguntza funtsezkoa da gure proiektuaren giza oinarria handitzeko, Euskadi gero eta oparoagoa erdiesteko eta, guztion artean, gizarte-eredu kohesionatu eta dinamikoa lantzeko. Oso-osoan nago elkargune hau denon lotura, proposamenak trukatzeko bide eta batzen gaituen Euskadi horren bereizgarriak sendotzeko komunikazio-bide bilakatuko dela.

ALFONSO ALONSO ARANEGUI
Euskadiko Alderdi Popularreko presidentea

Organigrama

@AmayaEuskadi

Amaya Fernández Angulo

Idazkaritza nagusia

1976ko irailaren 26an jaio zen, ezkonduta dago eta alaba bat dauka.

Politika eta Administrazio Zientzietako lizentziaduna da eta Enpresa Zuzendaritzako masterduna.

Barakaldoko Alderdi Popularreko presidentea da eta Euskadiko Alderdi Popularreko idazkari nagusia 2017ko martxotik aurrera. Alderdian izan duen ibilbideak hurbileko politika izan du ardatz beti, hots, auzokide, merkatari eta gizarte-eragileekin egiten den politika. Horiekin guztiekin, lanean ibili da 1999. urtetik. Izan ere, urte horretan bertan hasi zen Alderdi Popularraren zinegotzi gisa Barakaldoko Udalean, eta ‘popularren’ taldeko eledun bilakatu zen 2007an.

Sekula ez dio uko egingo bizikletan ibiltzeari eta arratsaldeetan pintxotan egoteari. Amayaren ustez, lagunekin emandako bazkalondokoek urrea balio dute, loak hartzen du liburu on bat irakurtzen dagoela eta haurren eskubideen aurkako bidegabekeriek loa kentzen diote.

@inakiOyarzabal

Iñaki Oyarzabal de Miguel

Arabako Alderdi Popularreko presidentea

Gasteizen jaio zen, 1966ko ekainaren 19an.

Merkataria.

Arabako Alderdi Popularreko presidentea da 2017ko urtarrilaren 3tik, eta senataria 2016ko ekainetik aurrera. 20 urteko aldian, eusko legebiltzarkidea izan zen. Lehen kargu politikoa Gasteizko Udalean hartu zuen, zinegotzi gisa, 29 urte zituela. Alderdi Popularraren Batzorde Betearazle Nazionaleko kide izanik, Justizia, Eskubide eta Askatasunen idazkari jardun zuen 2012 eta 2017 urteen artean. Arabako Alderdi Popularreko idazkari nagusia eta Euskadiko Alderdi Popularreko idazkari nagusia izan da. Era berean, EUROBASK-Europar Mugimenduaren Euskal Kontseiluko presidenteordea eta EiTBren Kontseiluko kidea izan da.

Bidatzea eta arkitektura gustuko ditu

@josluisarrue

Borja Semper Pascual

Gipuzkoako Alderdi Popularreko presidentea

Irunen jaio zen, 1976an.

Zuzenbideko lizentziaduna da

Gipuzkoako Alderdi Popularreko presidentea da 2009. urtetik eta Gasteizko Ganberako legebiltzarkidea 2003. urtetik. Bertan, Euskal Popularren Taldeko eleduna da. Alderdi Popularraren zinegotzia izan zen Irungo Udalean 1995 eta 2009 urteen artean. 2003-2007 legegintzaldian, alkateordea eta Hiri Garapeneko zinegotzi eskuordetua izan zen herri horretan.

Arkitektura eta argazkilaritzaren zale porrokatua da. Zaletasunean, Woody Allenen zinema, Sabinaren abestiak eta olerkia gustuko ditu. Azkenak, “Maldito (des)amor” izeneko liburua idaztera bultzatu zuen. Futbola ere gustatzen zaio eta korrikalari amorratua da.

@RaquelGlezDiez

Raquel González Diez-Andino

Bizkaiko Alderdi Popularreko presidentea

1976ko irailaren 17an jaio zen, ezkonduta dago eta bi seme-alaba dauzka.

Zuzendaritza Idazkaritzako diploma eskuratu zuen Deustuko Unibertsitatean

Bizkaiko Alderdi Popularreko presidentea da 2017ko ekainetik aurrera. 2005ean hasi zuen ibilbidea Euskadiko Alderdi Popularrean. Handik aurrera, Getxoko zinegotzia izanda, herri horretako auzokideen esanetara jardun zuen eta auzorik auzo ibili zen egunez egun, urterik urte. 2015ean, berriz, alderdiaren Idazkaritza zuzentzen hasi zen Getxotik. Bi urte geroago, 2017ko ekainean, Bizkaiko Alderdi Popularreko presidente hautatu zuten.

Familian egiten diren jardueren, ezinezkoak ematen duten puzzleen eta kafearen zale amorratua da. Antzerkia eta izotz gaineko patinajea ere guztiz gogoko ditu. Liburu bat: “Sangre, sudor y paz”.

@nereallanospp

Nerea Llanos Gómez

Koordinatzaile nagusia eta eleduna

Barakaldon jaio zen, 1967ko maiatzaren 4an, ezkonduta dago eta hiru seme-alaba dauzka.

Zuzenbideko lizentziaduna da.

Euskadiko Alderdi Popularreko koordinatzailea eta eleduna da 2017ko martxotik aurrera. 2012ko ekainetik 2014ko martxora arte, Bizkaiko Alderdi Popularreko presidentea izan da. Eta azken datatik 2017ko martxora arte, Euskadiko Alderdi Popularreko idazkaria izan da.

Eusko Legebiltzarreko kidea da 2011tik; 1999 eta 2011 urteen artean, Bizkaiko Batzar Nagusietako ahalduna izan zen eta mahaikidea 2003. urtetik. Eleduna izan zen Bizkaiko Galdakaoko Udalean (1995-2001), eta gobernu-taldeko kide izan zen 1995eko legegintzaldian. Horretan, bi atalez arduratu zen: Gizarte Ongizatea eta Kirola.

Liburu on bat irakurtzea edo antzerkia ikustea plan hobezinak dira Nerearentzat. Igeri egitea ere oso gustuko du.

@LeticiaComeron

Leticia Comerón Refojos

Antolakuntzako idazkariordea

Gasteizen jaio zen, 1982ko azaroaren 12an. Ezkonduta dago eta ez dauka seme-alabarik.

Politika eta Administrazio Zientzietako lizentziaduna da UPV/EHUn. MBA masterra egin zuen IE Business School-en. Antolakundeen Kultura eta Gobernuari buruzko masterra eskuratu zuen UNAVen. Politika eta Gobernagarritasunari buruzko masterra egin zuen Deustuko Unibertsitatean.

Alderdi Popularreko eleduna da Gasteizko Udalean (2016ko urria-gaur egun). Espazio Publikoaren Gobernua eta Informazio Teknologien zinegotzia izan zen Gasteizko Udalean (2011-2015). Bestetik, Gasteizko Udaleko Popularren Taldeko Bide Publikoaren zinegotzi eleduna izan zen (2007-2011). Euskadiko (2008-2013) eta Arabako (2005-2008) Belaunaldi Berrien presidente ohia ere bada.

Irakurtzea eta kirola egitea gustuko ditu, eta hurbiletik jarraitzen ditu kirolari arabarren emaitzak. Era berean, Alavés futbol-taldearen eta, bereziki, Baskonia saskibaloi-taldearen partidetara joan ohi da.

@C_Carron_

Carmen Carrón Galende

Arloko Ekintzako idazkariordea

Bilbon jaio zen, 1975eko otsailaren 18an, ezkonduta dago eta hiru seme-alaba dauzka.

Zuzenbideko lizentziaduna da

Bilboko Udaleko zinegotzia da 2015eko ekainetik eta Euskadiko Alderdi Popularraren Arloko Ekintzako idazkariordea da azken Eskualde Biltzarretik, hau da, 2017ko martxoaren 18tik.

Horren aurretik, Bizkaiko Batzar Nagusietako ahalduna izan zen hiru legegintzaldietan (2001etik 2015era), eta Batzar Nagusietako mahaiko bigarren idazkari jardun zuen 2011tik 2015era.

Bizkaiko Alderdi Popularraren Antolakuntza idazkariordea izan zen 2013 eta 2017 urteen artean.

Irakurtzea, antzerkiz eta kultur ikuskizunez gozatzea du atsegin. Kirol egiteko astirik ez daukan arren, negua gustuko du elurretarako txangoak egiteko.

@anamoralesPP

Ana Morales Peral

Udal eta Foru Politikako idazkariordea

Gasteizen jaio zen, 1972ko urriaren 5ean, ezkonduta dago, eta bi seme-alaba dauzka.

Informazio Zientzietako lizentziaduna da Nafarroako Unibertsitatean.

Euskadiko Alderdi Popularraren Udal eta Foru Politikako idazkariordea da eta Popularren Taldeko eleduna Arabako Batzar nagusietan 2017ko urtarriletik hona; halaber, eleduna izan zen aurreko legegintzaldian, hots 2011-2015 aldian. Batzarkidea da 1999. urtetik, eta 2015. urtera arte, batera ibili zen Arabako ganberan eta Arabako Alderdi Popularreko Prentsa arduradun gisa.

Zaletasunetan, Arabako naturarekiko grina eta irakurzaletasuna aipatu behar dira. Aisialdian, argazkiak ateratzen jarduteko tenorea ere badu, batik bat, sare sozialetan erakusteko, hala nola Instagram, Twitter eta Facebook sareetan.

@BorjaCorominas

Jacobo Caparrós Ruipérez

Azterlan eta Programen idazkariordea

34 urte ditu eta ezkongabea da.

Zuzenbideko lizentziaduna da

Zerrendaburua izan zen Alderdi Popularraren hautagaitzan Astigarragan, 2015eko udal hauteskundeetan.

Gipuzkoako Alderdi Popularraren Batzorde Betearazleko eta Euskadiko Alderdi Popularraren Batzorde Betearazleko kidea da. 2013 eta 2015 urteen artean, Antolakuntzako idazkariordea izan zen eta, gaur egun, Euskadiko Alderdi Popularraren Azterlan eta Programen idazkariordea da; gainera, Gipuzkoako Alderdi Popularraren Lehendakaritzako Kabineteko zuzendaria da.

Zinema eta bidaiak gustuko ditu. Bidaietan, bisitatutako lekuetako kulturaz eta gastronomiaz jabetzen ahalegintzen da.

Alfonso Alonso Aranegui

Presidentea

Gasteizen jaio zen, 1967ko apirilaren 14an, ezkonduta dago eta lau seme-alaba dauzka.

Filologia erromaniko eta Zuzenbideko lizentziaduna.

Euskadiko Alderdi Popularreko presidentea da 2015eko urriaren 16tik eta Euskal Popularren Taldeko legebiltzarkidea 2016ko urritik. 2011 eta 2014 urteen artean, Osasun, Gizarte Politika eta Berdintasun ministroa izan zen. Hori baino lehen, Alderdi Popularraren eledun jardun zuen Diputatuen Kongresuan (2011 eta 2014 urteen artean). 2008an sartu zen Diputatuen Kongresuan, Arabako diputatu legez. 1999 eta 2007 urteen artean, Gasteizko alkatea izan zen; horren aurretik, 1996tik, hain zuzen ere, zinegotzi jardun zuen. Gainera, Arabako Alderdi Popularreko presidentea izan zen 2008 eta 2015 urteen artean.

Irakurle aseezina eta eztabaidazale nekagaitza da. Oso gustukoa du musika klasikoa entzutea eta biziki gozatzen du seme-alabekin mendian ibiltzen.